學校生活篇

已經返學2個多星期

Ball似乎一切都很適應 (包括睡眠, 飲食, 學校生活等等) 

真係要好感恩!!!叻叻!!

Ball的學校用的是3種教學

包括大班教學 (即熱身, 運動/茶點時間)

小班教學 (即英語/國語時間) 

小組教學 (即講故事, 小肌肉訓練)

雖然不是什麼爭崩頭的名牌學校

但校風比較純樸, 近屋企, 師生比例低 (1:8)

最好是可以隨時打返學校, 同老師傾下Ball的進度

因為人數不多, 好似個個都知道"峰峰"是誰

自己認為不同幼兒/幼稚園的分別不大

小朋友鐘意返學最緊要

因此我們沒有瘋狂為Ball報其他幼稚園面試

讀下先啦!

Ball 都有第一份貼堂作品:

Ball 上堂串珠珠的實況

(上堂之前佢流左人生第一次鼻血, 嚇死我!!!)

 送給我的"吸管鏈" - 真係靚到要哂哂命!

不過到夜晚, 我戴住問佢靚唔靚, 佢話唔靚喎 ~.~

我的女兒Ball

話說Ball的樣子極似媽媽5歲時的模樣, 加隻髮夾試試!! 

(勁攪笑) 

冬日Ball

今日學校生日會, 著醒目D先!

(Dymocks袋內有爸爸送的新聖誕書) 

Ball的成長日誌 - 2歲篇

2012年11月13日, Ball正式踏入Trouble2

2歲的Ball:

身高: 85-90cm

體重: 28磅

個性: 在家一個樣 (會蝦屋企人同工人姐姐), 在學校一個樣 (乖學生樣), 善良 (怕見到人喊), 熱情 (好鐘意hug hug, 點鼻鼻, kiss kiss), 有時會好野蠻, 大脾氣, 怕爸爸, 怕罰坐

飲食 - 咩都食, 最鐘意食餅乾, 藍莓, 香蕉, 提子飽, 提子乾, 果汁, 粟米, 魚, 酒樓點心, 意粉通粉, 住家湯

食量 - 踏入2歲, 忽然好大食, 所有食物都要大量供應, 例如藍莓要一碗, 提子飽要大人份量一個, 蕉要一整隻, 酒樓點心(份量與大人相約), 佢自己會話"要好多", 個人好有衣食, 好多時都會全部食哂, 真係食飽佢都會講。 通常都係一次食幾樣, 例如: 蕉加餅加藍莓, 提子飽再加提子乾, 超好胃口, 可以不停咁食。會有要求, 奶不能太凍或太熱, 提子飽要多提子乾等

戒片: 進行中, wee wee一時ok一時又唔記得, poo poo就一定講, 唔鐘意換片, XL片啦

睡覺: 晚上7時多訓到第二日6-7點, 有時2-3點會要飲啖奶, 佢話佢有發夢, 有時會夢都阿婆, 超踢被, 時時要摸黑幫佢kum番, 自己訓都係要條紗巾

返學: 一至五 (13:30-16:30), 幾日已經冇喊, 依家好似好適應

玩: 最鐘意車, 圖書, 泥膠, 單車, 音樂(即唱歌, 英文及國語歌都ok, 最鐘意"Happy Birthday to You), 煮飯仔, scooter則一般

技能: 跑得好快, 唔係好識跳(但好想), 爬高爬低, 扮電視d人玩功夫

講: 好多野講, 玩車時會自己同自己講野 (例: 邊個未泊車, 邊個入油, 邊個拖走), 會同人講電話 (例: 喂, 係邊個, 0係邊度, 乖, Bye, See you), 會greet 人 (你好嗎, How are you, I am fine, Thank you, bye, see you, see you tomorrow, I love you, please, thank you) 仲會好多唔知幾時學既, 例: 咁早返工, 差d o係車訓著, 我好"支力", 做咩事, 我教你啦, 等等我 etc.

顏色: 話自己鐘意"Blue"

形狀: Triangle, Diamond, Square, Circle, Square, Star

種植日誌

學校為培養小朋友的責任心

分派每人一株萬壽菊

要自行打理,澆水, 換盤

到2013年年頭再帶回學校, 評估種植成果

Ball一向好有愛心 (對小動物, 小朋友都係) 

因此對小植物非常珍而重之, 每天都"親自"淋水

有時朝早落雨不能到露台, 到放學後就會主動提阿公要淋水

到今日, 種了大概2個星期

萬壽菊好似真的長大了

雖然只是一點點

也是Ball的一番"心機"

希望萬壽菊同Ball一樣, 天天長大!!

密密手, 係時候要佈置聖誕

過了感恩節, 就正式進入 Holiday Season

係時間要佈置屋企

我們把所有新的舊的裝飾拿出來

爬高爬低, 左拼拼右拼拼

先把聖誕樹砌好 (最後都放棄了買新聖誕樹的計劃)

把大大小小的波波掛上, 再加上Lane Crawford的車仔

係幾靚喎 (偷笑) 

之後就把閃燈掛飾圍住電視

再掛上大大小小的雪人呀, Jingle Bell呀等佈置

最後把姑姐送的聖誕襪掛在Ball的房門

大功告成, ~~~亮燈!! 

好聖誕呀~~哈哈

冬日Ball

今日氣溫急降, 要著多D著多D先得 

(不過唔知點解今朝影相唔笑) 

預備聖誕

是咁的, 因為葉家阿Ball已經2歲, 開始懂事

我們一家決定今年的聖誕節一定要好好佈置

據朋友通報, 海怡工貿outlet的聖誕裝飾特平

一家人浩浩蕩蕩直闖工貿掃平貨

第一站 - Lane Crawford 

爸爸二話不說就去了找極期待的Union Jack掛飾 (不過已冇貨..嗚!)

我和Ball就發現了一套特大的 tea set

Ball好興奮, 不停抱起大茶壺, 又倒茶又倒水

一時又話d茶好凍, 一時又話d奶好熱

玩左成15分鐘 (連Sales哥哥都一齊玩) 

因為我好忙住同Ball玩煮飯仔

最後爸爸一個人選了一set包Union Jack圖案的車仔掛飾便離開

然後為了延長Ball的耐性, 我們先轉戰兒童部

Bumps to Babes

一個如果有帶小朋友去工貿一定會停一停的地方

是日Ball最開心可以試到大哥哥車車

對腳不夠長, 但勉強都踩了2個圈

家裡的Thomas可摺合單車好似已經太細 

但下一階段的車又太大, 尷尬時期只好免費試車過過癮

(其實我知道Ball已經好滿足)

買完scooter護膝護(月爭)後就到隔離Pollux

Pollux是我們到訪過最多兒童圖書的書店

玩具, 書籍, 文具應有盡有

很容易找到那些推薦童書 (而且還會有折!!) 

Ball想跟Curious George一齊看書

坐在Big George旁的Ball變好小, 哈!

他拿了一本滿是字的書, 忽然說: "好深, Edison唔識!" (真實對白)

正一人細鬼大!!

然後換了一本容易的, 很多圖畫的

但仍然2秒後就閃人

小朋友的耐性真是.. 

最後一站是Franc Franc Outlet

聖誕裝飾同樣平到你唔信

不知道和一般Franc Franc賣的有什麼不同

但一大盒爆閃波波都只是幾十蚊 (原價好似要幾百!?)

多買幾盒掛滿一屋都已經好聖誕!!

就這樣, 很狼狽的拉著四周走的Ball

我們匆匆選了些紅紅金金的(爸爸指定的)掛飾便打道回府

還在考慮是否再用去年的小小聖誕樹

今年忽然好想要一棵1.8米的超大聖誕樹 (光纖? 普通?)

晚點淘寶見!! 

Kaitlyn 1st Birthday Party 11242012

每年11月都特別多人生日

這是我們參加了的第3個小朋友生日會

今次是Kaitlyn 1歲生日會@ Hong Kong Cricket Club

我們很早到場

讓Ball和小朋友早點熱身

Ball對Partyware特別有興趣, 尤其是..

(以前是不懂玩的!)

與此同時, Ball最鐘意"catch the star"遊戲

先是很使勁地把飄到高高的氣球拉下

再放手讓它飛走

再重複玩十幾二十次

Ball其實都幾有女性緣的

不但是阿婆, 師奶, 同學及不知名小朋友

除了Ball主動示好會有正面feedback外

很多"女性"都不抗拒或喜歡和Ball玩的

(如圖示)

話雖如此, Ball當日跟Jasmine姐姐有一段小插曲

話說Ball去"tickle"壽星女Kaitlyn

但Kaitlyn失平衡跌倒

Jasmine誤以為Ball打她的妹妹

即指住Ball說了一堆話, 類似不可欺負妹妹

Ball不甘被"屈"

一直跟著Jasmine說: "我冇打妹妹", "我tickle妹妹"

如是者講了很多很多篇

最後因為女孩子自成一堆自己玩, Ball又忙住食

事件就不了了之

安慰的是, Ball還是挺會保護自己的!!哈哈!

Kaitlyn生日快樂!!

上學去了!

話說轉眼又輪到肥仔上學了!

回想面試的那一天, 他還不足一歲, 還未懂得說話, 只會手指指

今天他要自己背著小小的書包走路上學去

特別請了3個半天假陪他上學

第一天 - 陪足1.5小時, 我一個人坐在課室的角落看著他

他不很適應, 對唱遊和老師的種種邀請都很冷漠

是的, 他喜歡先觀察, 看看別人會做什麼, 怎樣做

不會盲目地跟隨大眾做同樣的事 (就是比較cool吧)

第一天就是沒有唱遊沒有嬉戲沒有wee wee的靜靜地過

但茶點時間就比較寬容了, 自己一個人吃吃餅喝喝水(是不小心打翻了一點..哈哈!)

期間他有找媽媽一兩次, 都是以眼色問我可不可以玩玩具

沒有說要我跟著或喊媽媽, 算是十分乖了!

第二天, 老師說他情緒穩定, 所以我只陪了他15分鐘

我在離開學校之前我先跟他說好, 他玩完後會在學校門口等他

他給了我一個肯定的"唔", 就跟我揮手拜拜

心裡舒了一口氣, 但好像不很捨得, 不得不承認他長大了

我在課堂結束之前15分鐘到, 在窗外偷偷看他

他很乖, 用匙羹吃著粟米, 沒有打翻, 在慢慢吃

然後我到校務處等他, 由老師帶他出來

他看到我很激動, 激動得紅了眼不停媽媽媽媽的叫

就連老師也看不出他是笑還是哭

老師說他課堂中段是哭了一會, 要媽媽, 但很快就平復了

這天他拿著要照顧的"萬壽菊"開心回外婆家

第三天, 跟第二天一樣, 也是沒有哭(或只是眼濕濕)

但今天不能偷偷觀課了, 也只是從老師口中知道他乖不乖

還好, 老師都說他ok, 而我的3天陪返學日子就圓滿渡過 :)

2歲了, 不小但絕不大, 但願在你真的長大之前

你時常會掛念的人, 會是我 -- 你的媽媽!

數碼港遊記 11182012

家住南區的我們

數碼港是我們常到的郊遊地

要找大一片綠草讓小朋友跑跑跳跳很難

要找一片車程不遠,而附近可以泊車的大草地更難

數碼港自然是我們不二之選

這天, 我們帶了新Scooter, 新Helmet到來

先到平台玩一陣

在狗公園附近找到個Picnic位

然後就讓 Ball自由"放電"

玩玩下撞到舅父!! 

我發現其實Ball唔係好鐘意Scooter

Ball比較喜歡 -- 吹Bubble 

(現在可以真正自己吹到1-2個bubbles, 叻叻!)

之後竟然遇到MingMing妹妹!!

他們是"好朋友"呀, Ball仲好大方餵妹妹飲水! 哈!

是次Picnic差不多3小時! Ball回程時豬了!

Picnic真真開心!!