咁都可以玩一餐

感謝舅父的友情借出

Ball得到一個佢認為係軚盤既cushion

新屎坑的性格令佢呢兩日天天飛車

仲遙控當波棍, 係人都俾佢邀請"上車", 揸得有板有眼

Day1

Day 2

唔一定要買既玩具

有時候佢自己覺得好玩既嘢

好過哂d買既玩具好多

至少佢自己好enjoy, 開心滿分!!



新carseat

2歲半, 好似好多嘢都可以升呢

就連carseat我地都放膽俾佢試4+款式

網上訂既, 係McQueen款式

Ball超級鐘意, 可以用原車seat belt之外仲可以睇爸爸揸車

5/18日正式上場

試坐感覺相當興奮

貼心媽媽為左令佢"鐘"眼瞓舒服d

仲特別買左個頭頸枕 (呢個佢就麻麻o地)

而carseat另附水杯位, 可以俾佢放雜物, 7舊水, 好睇好用!

好勉強俾我影左張相"留念"

大仔carseat自由度大左, 郁動空間大,

好睇佢自己坐得乖唔乖, 仲要時間適應

話咁快已經係第3個carseat啦

細路仔, 長大, 真係眨吓眼既事!!

親子時間

每天最少3小時的Quality親子時間

對在職父母而言, 甚具挑戰

對我地嚟講就仲難, 我家公子8點前就瞓

爸爸好多時接完我地返到屋企

Ball已經喺車瞓左

所以爸爸都盡量有時間就陪吓Ball

大玩細玩hea玩咩都好

總之俾到Ball知道爸爸媽媽好錫佢

好彩Ball都算好乖仔

雖然我地一至五可以陪佢時間唔係好多 (我之後會多番dd, 哈哈!) 

但Ball都好跟我地~ 再加上最近冇姐姐

我地同Ball就更加close

(雖然從來我地都唔係好靠姐姐照顧Ball)

又諗起 "你能擁有孩子多少年"這文章

能擁有現在, 我覺得都已經好幸福了! :)

*照片是我每天晚飯後見到的景象

有時候, 親子的最大敵人, 不是什麼, 是老公

新玩具 - Playmais

之前喺Toy'Rus 發現Playmais呢樣嘢

係可用水做黏貼勞作既粟米粒

一大桶百幾蚊, 有排玩

因為係新嘢, 加上又唔係車樣既玩具

對Ball嚟講好新鮮, 所以好鐘意

初初都好有心機, 又話整Bridge, 又話整車場閘

坐得好乖, 安安靜靜玩左一陣

好快, Ball轉玩法, 當一粒粒係泥膠!! 

又剪又切!! (咁就出事啦!!) 

一個鐘後的成果就係 ---

所有既Bridge呀, 閘呀就變成一粒粒屎!!

d顏色仲印哂落枱度, 媽媽大驚!

好彩物料同顏料都係安全嘢

唔知要玩幾多桶先會有Ball既第一件作品?!

性格

2歲半的Ball開始形成自己一d"性格"

即係好似大人咁

有d嘢你估到佢鐘意/ 唔鐘意/ 會點處理

(1) 新屎坑

新玩具個個小朋友都會新屎坑

但Ball連新鞋都會

話說週日買左對新Crocs, 橙色既, 好醒目

Ball日日夜夜出街喺屋企去廁所都話要著住

佢話俾我知覺得新鞋好靚要成日著

今日第2日, 仍然新屎坑中, 死唔肯除

唔知係唔係真係同大人一樣香3日呢??

(2) 抗拒新事物

好似大人咁, 唔係好鐘意食新嘢

今早有抹茶紅豆包

個包係綠色之餘仲有一粒粒紅豆

肥仔好緊張大大聲話唔食

俾迫好勉強食左一啖, 即俾我以下呢個樣:

Ball: 紅豆唔好食, 唔好食呀! 我食哂d包得啦 (真實對白) 

但其實都係搣吓搣吓, 玩多過食, 冇大啖咬過

(包包慘俾揉輪中 U_U)

(3) 鐘意坐櫈邊

同我一樣, 原來Ball鐘意食櫈邊

所以有時又撞頭都係因為坐得唔好

依d都唔知點改, 我都時時坐櫈邊好難改

(4) 暴力型

原來Ball係有暴力傾向呀, 唔知係咪學校學既

佢係會喺冇原因情況下推小朋友(!?) 同拍打小朋友 (?!)

有日同表兄弟姐妹食飯

我目擊佢拍打bb, 推表弟同打左一下表妹!! 大驚!!!

拍左人一輪, bb喊哂, 佢就好似好無辜咁 

仲要"啤"住人, 唔知咩事咁喎!!

相信好快會有更多性格/喜好浮現

知道左, 係應該"尊重"定係"糾正"??

頭大當災

Ball自在娘胎已有大頭的特徵

但頭的比例似乎沒有按身高而降低

頭至今仍然好大, 仲好鬼重

成為跌跌撞撞的重點

都唔知幾多次因失平衡, 唔小心, 

貪快等等小兒常見問題或人為問題

令頭仔重創

最近又嚟2次, 仲起左個瘤! 唉!

[事件1 - 家居意外]

爬上床唔知做咩又唔知點解成個頭撞落床邊

左邊熊貓眼左差唔多2個禮拜

[事件2 - 學校著鞋失平衡滾地葫蘆]

放工返屋企傳嚟噩耗

有人又出事, 額前起哂高樓

第2日老師仲要打電話俾我問候一番

(然後老師話當時Edison自己話唔痛, 冇事, 仲又笑又玩) 

我諗佢都已經撞到慣哂

唔會喊、唔會好痛、唔會驚青

好似我都見慣屋企呢個景象 -- 敷冰、喜療妥、捽油

Ball會邊搽邊話: 

細力d, 唔駛捽啦, 冇事啦, 唔俾你睇呀, 冇嘢啦 blah blah blah

之後就走嚟走去, 揮灑自如

(我懷疑, 佢已經練成無敵鐵頭功!! @.@) 

交通工具體驗篇

爸爸有架車

其實令Ball接觸不同交通工具的機會減少

到依家大個仔活動比較靈活

學校又啱啱做專題教學

可以的話我地都會俾Ball坐多D不同交通工具

有日行程相當緊密

地點亦不方便泊車

一日坐足癮

[巴士篇]

自從Ball冇去返Playgroup就好少坐巴士

Ball好鐘意Double Decker Bus

今次自己坐, 仲可以襟鐘落車, 開心死!

[電車篇]

電車, 有路軌, 較特別, Ball都好ok

又可以坐上層, 居高睇街, 又可以自己揀位

開心爆燈!

(不過冇聽到傳統既叮叮聲, 就有少少失望囉)

[私家駒]

自從會行會走, 如非必要都好少出動私家駒啦

難得有機會

除左要好好坐一陣, 仲最好瞓一轉 

(爸爸, 場波真係麻麻地, 但我都撐到尾, 冇瞓o家!!) 

仲未坐過地鐵, 小輪.. 有機會有機會!!

妙問妙答

[電話中]

Grandpa: No jumping on the sofa, ok? 

Ball: 冇呀, Edison jumping on the day-ha (即地下)

[Pretend play中]

Ball自言自語: 入300蚊, 靚油, V-power, 密碼XXXX

(語氣, 用字和Papa入油時一模一樣) 

Ball: Edison今日少少乖呀

Ma: 係呀, 只係少少乖咋? 

Ball: 少少乖可以玩一陣games, 5分鐘! 

**駁咀篇**

(1) Mama: Ball, 你著鞋又左右腳調轉啦

Ball: Edison鐘意調轉呀

[電話中] 

(2) Ball: 今朝冇禮貌呀, 叫阿公走呀

Mama: 吓? 咁曳? 有冇say sorry 呀?

Ball: 講左啦, bye~~~ (即收線)

[危險玩玩具中]
Ma: 喂, 你小心喎, 唔係會篤盲眼呀
Ball: Edison 唔怕篤盲眼呀
Ma: 吓? 咩叫唔怕盲眼? 睇唔到嘢, 黑咪咪呀
Ball: 唔怕睇唔到嘢, 黑咪咪呀
之後繼續危險玩玩具