反反覆覆

第二日, 放工返去見到Ball生龍活虎

(眼睛變左3眼皮 *0*) 

本來以為已經藥到病除

誰不知今日第三日, 仲係燒下唔燒下

仍然係好咳, 有鼻水, 同食唔到幾多o野

尋晚2點幾又燒到38度幾

食完奶又嘔, 只好食幾啖麵飽再食藥

攪好耐都瞓唔番, 成個"ou"哂!!

唔知幾時先可以病好呢??

慘豬呀! 上呼吸道感染

學校 = 細菌溫床, 絕對冇講錯

本來只係咳兩聲

但個個都咳兩聲就變成大感染

由無發燒, 變少少熱, 變高燒

由兩聲咳, 變有啖咳, 變咳唔停

星期三下晝要即刻同佢睇醫生

因為發高燒 (成39度!!), Ball成個人呆呆滯滯, 冇哂力氣

我真係冇見過Ball咁"虛弱" (陰公豬呀!!) 

又要食抗生素, 又要食咳藥鼻水藥氣管藥

好彩Ball好乖好合作 (就係唔肯飲水) 

而食左藥就自然冇咩胃口, 食兩啖又唔肯食 :'(

因為唔舒服, Ball成日都喊, 要我地抱住拍住先好D 

仲有幾日藥, 希望快D冇事啦!! 

(不過好似到我病病地, 唉!!!) 

絕對音樂人

Ball完成承繼了爸爸媽媽的音樂基因

2歲人仔已經係"卡拉之星"

(Ball 係自己Plug個 Mic, 然後唱歌, 都唔知學左邊個) 

除左唱歌, 自從發現阿婆屋企有鋼琴之後

朝朝都要媽媽陪佢彈一陣

依家好似都"有板有眼" 

Ball鐘意最高嗰個音, 時時彈到手舞足蹈

其實今日Ball有D唔舒服, 不過希望音樂能醫百病

快d好番啦!!

種植日誌

又係時候睇下萬壽菊的最新情況

(中間嗰個就係, 高左, 不過就未有花) 

真係Ball自己打理o架

依家已經可以單手用吱吱壺, 好大力! 

日日借淋水時間曬曬太陽, 心情好精神好!! 

又有新嘢玩啦喂!!

星期日, 次次都好精彩

今個星期日, 一家人, 帶埋新嘢同小食

一早浩浩蕩蕩到數碼港野餐

所謂"新嘢" - 即星期六買的法拉利戰車

(小朋友的入門版, 8歲以上, 不過阿仔鐘意就提早左6年買!!)

Man to Man 的時間

(室外太大風所以轉室內玩, 管理員冇阻止仲一樣好興奮, 攪笑!!) 

玩完梗係 --- 食!!

(又係星期六買既芝士魚仔餅, Ball 大愛!!) 

食飽又去放電 - 踩車, 跑步, 掉石仔

(仲未有時間買新車, 好彩今次小心踩, 冇出事, 仲借俾妹妹玩) 

掉完石仔, 成腳濕哂 (唔小心浸左隻腳落水), 要即刻返屋企 

之後一整日支力到呆呆滯滯

媽媽終於可以偷訓晏覺~ 爽!! 

一個終於可以陪下囝囝的星期六

天昏地暗的2星期正式結束

今天終於可以有時間陪下囝囝

星期六, 天氣好, 可以踩單車

又係去指定公園玩

大個仔, 自己要求要"大人韆鞦"

(好似都坐得幾穩陣, 驚嗰個係媽媽我囉) 

玩爬騎, 變左玩風帆, 副黑超好攪笑

玩完, Ball 堅持自己推車返屋企 (乖仔~~)

下晝, 同Ball出銅鑼灣睇玩具

Ball's favourite TOMICA corner

睇左好耐玩左好耐先肯走

之後又見到另一心頭好 - Lego消防局

又攪一輪

是日收穫 -- 超大法拉利搖控車

Ball揀左好耐, 揀好, 就即刻要俾錢

Ma: 好呀, 可以買, 咁你有冇錢呀?

Ball: (Deadair 2秒, 呆左) 冇... (但唔捨得放手)

Ball: 咁... 媽媽買

好啦, 我係會縱囝o架, 買左...唉

到飯堂食左碗通粉

一家人坐巴士返屋企

唔夠7:30pm, 好支力, 訓左, 完滿一天

小小音樂家

其實在Ball很小的時候

就留意到他都幾鐘意音樂

之前都有俾佢玩下鋼琴

不過叮叮咚咚幾下都唔咩音, 玩兩下就冇興趣

今次因為係用學校的歌集

好似扮老師彈住琴唱歌, 興趣即刻番哂黎

仲叫我一齊坐一齊彈一齊唱

(都好有紋有路o架!!)

有朋友話任何音樂都可以刺激小朋友大腦

我一定會抽時間"陪太子彈琴", 哈哈!

妙問妙答(父子篇)

[事件一]

說話坐爸爸carcar返屋企途中

Ball: 爸爸呢架車揸好快

Ba: 好快咩? 唔係呀! 咁駛唔駛換車呀?

Ball: 換 Lamborghini

Ba: .....

[事件二]

爸與Ball到Playroom 

Ball堅持只從右邊sur落黎

Ba: 點解你淨係sur右邊既? 唔試下左邊?  

Ball: 嗰邊快d呀

Ba: 咁你試下另外嗰邊係咪快d?

如事者, 當爸爸喺左邊等既時候, Ball又從右邊sur落黎

Ba: ..... (待續)

[事件三]

隔左一陣, Ball由左邊sur落黎

Ba: 係咪好慢呀?

Ball: 呢邊好快, 好驚

Ba: ....

表情王又出動

今日媽媽要OT

只有一早可以陪Ball食早餐

表現王交足戲, 笑死街坊

越黎越難影正面相

一用相機對住Ball佢就會走左去

仲話: 媽媽唔係影你 (即我, 你我Concept大混亂)

有何好方法影到靚相呢? 唉! 

同日上映: 瘋狂爸爸傻兒子

(為影呢D快拍, iPhone 32MB好快冇哂 -__-'') 

笑話一則

話說Ball的學校要求家長填寫"最喜愛的同學"

一直都填唔到

Ma: Ball, 咁你最鐘意邊個同學仔呀? 

Ball: na..... na......

Ma: 你鐘意同邊個玩呀?你知道佢叫咩名呀?

Ball: na.....na......

Ma: 莫非, 你同爸爸一樣鐘意周秀娜?

Ba: 醒目, 爸爸買寫真集同枕頭俾你啦

Ball: 爸爸..買枕頭!!

Ma: .....

終於。終於。

終於終於, 要避都避唔到

07.01.2013早上6點

Ball第一次擒出自己床, 跌左落地

!!慘豬!!

(其實我心血來潮, 差唔多6點時醒左

係聽到有聲, 不過唔知係個衰仔擒床..) 

據Ball自己講:

佢係由張床先爬上換片架, 再向前"鐘"左落地

撞落地既時候好大聲

衝入去見Ball趴左係地唔郁, 喊到收唔到聲

即刻抱佢入房呵番

不過喊完, 完全搵唔到佢撞到邊度

奇怪呀!! 

好在, 唔駛怕, 過左1日

冇事冇幹, 開心食蕉! 

細路仔真係睇少眼都唔得呀! 

又一個週末

話說媽媽成功為Ball淘到一件靚寶

質地十分好, 又啱身, 叻!!

到Little Beetle巧遇Eleanor姐姐

不過Ball有d嬲嬲地, 仲細唔係好識同人分享玩具

咁啱Eleanor又鐘意同Ball玩一樣既野

玩咩都要爭一餐

開初有少少火藥味

(即時諗: 如果屋企2個細路, 長期咁樣, 仲唔崩潰!!) 

之後Ball好醒轉玩其他嘢

不過睇黎佢大個唔會係一個醫生。。

成朝唔訓, 玩完嬲完, 就要撤退啦。。

地盤開工啦

見到Ball的工程車數目日增

今日幫Ball整左個地盤

俾佢挖挖挖

就在鐵罐放入米米同豆豆

立即變成一個又平又好玩既玩具

真係好好玩, 差d連飯都唔食

昨晚到今朝我都只見到Ball呢個樣

今日地盤繼續開工

舅公的禮物

2013年剛開始

Ball就收到新禮物 --

舅公從捷克帶回來的車仔Puzzle 

唔係嗰種好容易的Puzzle

係要動腦筋既, 最啱Ball

又係一開就破壞, 唉

妙問妙答

Ma: Edison, 打俾阿婆好唔好?

Ball: 要打俾阿公, 要打俾阿婆, 要打俾好多人呀

Ma: 你快D換片啦! Mama Angry 啦
Ball: 依家開始換啦, Mama少少 happy啦

(泊車中)
Ball: 爸爸搵黎搵去搵黎搵去搵黎搵去搵黎搵去..都冇得泊
Ball: 嗰邊有位呀!

Ma: Edison要訓覺啦
Ball: 咪埋眼, 咪埋眼, 咪埋眼, Edison唔訓覺

(食飯中)
Ball: 依個肉肉唔好味, 依個beans唔好味
Ma: 快D食飯啦!!
Ball: 魚魚喺邊度?
Ball: Edison好飽啦, Edison飽飽啦!Edison唔食啦!
Ball:飯飯喺肚肚度啦!

(通電話中 version1)
Ma: Edison, 你今日乖唔乖呀?
Ball: 乖, 食魚魚, 食飯飯, 飲湯湯, 食菜菜, 痾左便便, 拜拜媽媽 (掛線)

(通電話中 version2)
Ma: Edison, 你今日乖唔乖呀?
Ball: 曳, Edison今日曳呀
Ma: 吓? 曳咩呀?
Ball: 瀨尿, 唔講啦, 拜拜 (掛線)

(通電話中 version3 - 自言自語)
Ball: 喂, 舅父呀, 喺邊度呀? 中環, 喺中環行緊返黎, 唔, 拜拜

1.1.2013 Happi Liu You-ar

1.1.2013 元旦日

一家人到HKFC食西人開年飯

因為係大型自助餐

太多人太多細路太忙亂又係冇影相

下午天氣好氣溫回暖

決定去數碼港俾Ball跑跑跳跳

爸爸架車早有準備, Bubble, 地蓆, 足球咩都有

Bubble Time

(太耐冇玩, Ball又唔記得點吹啦) 

Run Time

Ball是日好懶, 要tum先會跑一陣

仲要跑跑下又跌, 跑跑下又跌

騎膊馬Time 

越黎越重但又越黎越鐘意騎, 仲要爸爸跑

辛苦哂~

Shopping Time

支力到要坐shopping cart, 笑得好勉強

行埋Indigo Kids, 遇到好靚既Baby Ball Chair

要成差唔多HK$ 8,000!! 影張相算啦

(個樣支力到冇朋友呀, 慘豬!)

天氣忽然轉冷, 是時間返屋企

又係,。一上車。訓哂 ZzzZzz