與兒子的對話

阿仔越大講嘢越"叻"

都唔知係好嬲定係好笑

又有怪事年一堆。。。

（1)

媽：做咩碌左成半個鐘都唔瞓呀？仲瞓到"咩"哂

仔：哦，係呀，因為我個pat pat郁嚟郁去嘛

媽：所以你就要一齊郁咩？

仔：係呀。。。

我唔鐘意瞓枕頭 （刻意把頭屈在枕頭範圍外）

我唔鐘意瞓中間，鐘意側邊（可以避開張被）

然後繼續碌，唔瞓！

（吹漲）

(2)

媽：你快d飲埋d奶啦，唔係冇星星啦

仔：我唔飲啦，個tummy好飽啦

媽：咁你今日會少一粒星星喎

仔：唔緊要啦，我唔飲啦，唔要星星啦

（吹漲 － 成日都話"唔緊要啦"，

油顏色唔靚咩 － "唔緊要啦"

畫線唔直咩 － "唔緊要啦"

今日唔乖冇貼紙咩 － "唔緊要啦"

有冇搞錯！！！）

（3)

阿仔好鐘意學人講嘢

揸車中，阿仔忽然話：痴線，前面架車阻住哂！（老豆的語氣）

朝早換校服中，發現校服小手拍冇熨

阿仔話：姐姐真係一個垃圾人 （我的語氣）

（弊，都唔知會唔會喺學校亂講嘢！）

好想知道，係唔係個個3歲幾都係咁？

定係我個仔實在太特別！？！