性格

2歲半的Ball開始形成自己一d"性格"

即係好似大人咁

有d嘢你估到佢鐘意/ 唔鐘意/ 會點處理

(1) 新屎坑

新玩具個個小朋友都會新屎坑

但Ball連新鞋都會

話說週日買左對新Crocs, 橙色既, 好醒目

Ball日日夜夜出街喺屋企去廁所都話要著住

佢話俾我知覺得新鞋好靚要成日著

今日第2日, 仍然新屎坑中, 死唔肯除

唔知係唔係真係同大人一樣香3日呢??

(2) 抗拒新事物

好似大人咁, 唔係好鐘意食新嘢

今早有抹茶紅豆包

個包係綠色之餘仲有一粒粒紅豆

肥仔好緊張大大聲話唔食

俾迫好勉強食左一啖, 即俾我以下呢個樣:

Ball: 紅豆唔好食, 唔好食呀! 我食哂d包得啦 (真實對白) 

但其實都係搣吓搣吓, 玩多過食, 冇大啖咬過

(包包慘俾揉輪中 U_U)

(3) 鐘意坐櫈邊

同我一樣, 原來Ball鐘意食櫈邊

所以有時又撞頭都係因為坐得唔好

依d都唔知點改, 我都時時坐櫈邊好難改

(4) 暴力型

原來Ball係有暴力傾向呀, 唔知係咪學校學既

佢係會喺冇原因情況下推小朋友(!?) 同拍打小朋友 (?!)

有日同表兄弟姐妹食飯

我目擊佢拍打bb, 推表弟同打左一下表妹!! 大驚!!!

拍左人一輪, bb喊哂, 佢就好似好無辜咁 

仲要"啤"住人, 唔知咩事咁喎!!

相信好快會有更多性格/喜好浮現

知道左, 係應該"尊重"定係"糾正"??