我的管家兒子

我有一個管家兒子

唔記得幾時開始, Ball就好鐘意管呢樣管嗰樣

[爸爸出街食飯]

Ball: 點解要出街食飯? 同邊個食飯? 邊個朋友呀?

去邊度食飯呀? 係唔係要揸車去? 

駛唔駛捐山窿呀?

點解仲未返呀? 我想同爸爸goodnight喎

爸爸返黎睇吓我呀? 

[媽媽要出街]

Ball: 出街做咩呀? 買咩呀? 做咩呀?

點解著呢個鞋既? 做咩Edison唔去呀?

唔好咁夜返呀, 我放學你o係屋企等我呀!

我有打電話俾你呀 (即我會打俾你呀!)

bye bye 啦 (講10次以上) 

[屋企人要返工]

Ball: 點解要返工呀? 唔返工得唔得呀?

聽日駛唔駛返工呀? 

點解要換衫返工呀? 做咩吹頭呀?

唔好咁夜返呀! 

bye bye 啦 (講10次以上) 

[餵魚中]

Ball: 點解要餵魚呀? 點解餵少少呀? 

唔餵唔得打o架? 佢地食緊未呀?

佢地食完啦, 點解唔再餵呀?

點解佢地會飽呀? 飽就唔食啦? 飽都食唔得架?

我可唔可以睇吓呀? 下次我餵得唔得呀?

點解唔夠高唔可以餵呀? 

仲有大大小小事件不能盡錄

係唔係個個小朋友都咁關心屋企事呢??

(迷呀!!)