與兒子的對話

今早6:45, 個仔同我講：

"媽咪，我決定買樣禮物送俾你！"

"啊！咁好！你打算買咩俾我呢？"

"我想買個新煲俾你呀！"

"吓？點解呢？"

"呢，上次你整年糕嗰時咪痴住哂個煲既，

咁我咪想送個新煲俾你囉" 

"邊個煲呀？有痴住哂咩？"

"呢呢呢，上次你整年糕嗰時咪痴住哂個煲既，嗰個煲呀"

"係喎，咁好呀，多謝你喎"

（其實都冇件咁既事，不過有人送新煲，梗係好啦，哈哈！）

"咁你有冇發夢呀？瞓得好唔好呀？"

"媽媽，我尋晚見到爺爺屋企架車呀"

"係？"

"係呀，架車係Mitsubishi, 有個Mitsubishi logo 喺前面"

"架車好似唔係Mitsubishi呀！"

"係啦，你都唔知。。（下刪對Mitsubishi的評價）

爸爸都有話，呢個年紀既小朋友

想像力無限

好多時都會將佢自己想像既嘢當真

之所以有時Ball都會講d好似係日常既嘢

但又未必係真係有發生過既

佢次次同我講，我次次都當真既咁答佢

等呢個"故事"好似越煲越大，越黎越真

有時大人細路講完都笑到痴線！

想像想像，就會有想像力啦！哈哈！（我諗）